Նորություններ

Նորություններ

Տեղեկացեք «Մեղուի» և «Այբ» հիմնադրամի վերջին նորություններին ու հայտարարություններին:
«Մեղու 2016» մրցույթի արդյունքներն ամփոփված են

«Մեղու 2016» մրցույթի արդյունքներն ամփոփված են

30.05.17

2016 թ. հոկտեմբերի 27-ին «Այբ» կրթական հիմնադրամի նախաձեռնությամբ Հայաստանում և Արցախում արդեն երրորդ անգամ անցկացվեց «Մեղու. հայերենը բոլորի համար» մրցույթը: Մրցույթին մասնակցեց Հայաստանի և Արցախի 945 դպրոցների 3-12 դասարանների 36803 աշակերտ։

Ուրախությամբ նշենք, որ «Մեղու 2016» հայերենի մրցույթի արդյունքներն ամփոփված են: «Մեղու 2016»-ի մրցանակակիրների ցանկերը տեղադրված են մրցույթի պաշտոնական կայքում՝ www.meghu.am: Այս անգամ «Մեղուն» ունի 5 հաղթող:

Մրցանակաբաշխություն. Տեղեկացնում ենք, որ «Մեղու 2016» և «Ռուսական արջուկ 2016» մրցույթների մրցանակաբաշխություններն անցկացվելու են «Կենգուրու 2017» մրցույթի մրցանակաբաշխություննների հետ միասին` նույն օրը, նույն վայրում՝ հունիս ամսին: Միջոցառման վայրը, հասցեն և ժամը կարող եք գտնել այս կայքի Մրցանակակիրներ բաժնում:
 

«Մեղու» մրցույթի բացառիկ կազմակերպիչ` «Այբ» կրթական հիմնադրամ:
 

Հայաստանում մրցույթների կազմակերպման գործընկեր` «ՎՏԲ-Հայաստան բանկ» ՓԲԸ:
 

Ինֆորմացիոն հովանավորներ` «Մեդիամաքս» լրատվական գործակալություն և «Կրթություն» շաբաթաթերթ:


«Մեղու 2016» մրցույթի խնդիրների պատասխանները արդեն հրապարակվել են

«Մեղու 2016» մրցույթի խնդիրների պատասխանները արդեն հրապարակվել են

10.11.16

«Մեղու 2016» մրցույթի խնդիրները և պատասխանները կարող եք գտնել այս կայքի ԱՌԱՋԱԴՐԱՆՔՆԵՐ բաժնում:


«Մեղու. հայերենը բոլորի համար» մրցույթը մեկնարկել է

«Մեղու. հայերենը բոլորի համար» մրցույթը մեկնարկել է

08.09.16

Մեկնարկել է «Մեղու. հայերենը բոլորի համար» մրցույթը, որն անցկացվում է Հայաստանի և Արցախի բոլոր դպրոցներում: Մրցույթին կարող են մասնակցել 3-12-րդ դասարանների բոլոր ցանկացող աշակերտները:

Այս տարի մրցույթը տեղի կունենա հոկտեմբերի 27-ին:

Տեղեկացնում ենք, որ այս տարվանից Հայաստանի մասնակից աշակերտները կարող են վճարել նաև «Թել-Սել» տերմինալների միջոցով: «Թել-Սել»-ով վճարման դեպքում նախապես ճշտեք ձեր դպրոցի ծածկագիրը:
Դպրոցների ծածկագրերի ցուցակը և «Թել-Սել» տերմինալներով վճարելու կարգը գտնել Ինչպես մասնակցել բաժնում:


Մրցութային փաթեթ-հրավերներն արդեն ուղարկվել են Հայաստանի և Արցախի 1273 դպրոցներին: Փաթեթներն ընդգրկում են դպրոցի մասնակցության հայտը, անցկացման մանրամասն կարգը և այլ անհրաժեշտ նյութեր:

Աշակերտների մասնակցության վճարը կատարելու և դպրոցի ցանկում գրանցվելու վերջնաժամկետը հոկտեմբերի 4-ն է, իսկ դպրոցի հայտի ներկայացման վերջնաժամկետը՝ հոկտեմբերի 7-ը:

«Մեղու. հայերենը բոլորի համար» մրցույթի պաշտոնական կազմակերպիչն է «Այբ» կրթական հիմնադրամը:

Հայաստանում մրցույթի կազմակերպման գործընկերն է «ՎՏԲ-Հայաստան բանկ» ՓԲԸ-ն:

Հայաստանում մրցույթի կազմակերպման գործընկերն է «Tel-Cell» ՓԲԸ-ն:


ՀՀ նախագահը հյուրընկալեց «Կենգուրուի» ու «Մեղու»-ի մրցանակակիրներին

ՀՀ նախագահը հյուրընկալեց «Կենգուրուի» ու «Մեղու»-ի մրցանակակիրներին

31.08.16

«Կենգուրու» և «Մեղու» մրցույթների մրցանակակիրների համար օգոստոսի 31-ը մեծ տոն էր։ Գիտելիքի օրվան ընդառաջ՝ մրցույթների հաղթողները և յուրաքանչյուր մարզում ու տարիքային խմբում լավագույն արդյունք արձանագրած աշակերտներն այցելեցին Մայր Աթոռ Սբ Էջմիածին, որից հետո երեխաներին հյուրընկալեց ՀՀ նախագահը։
Մայր Աթոռ Սբ Էջմիածնում երեխաներին ընդունեց և օրհնեց Տ. Նաթան արքեպիսկոպոս Հովհաննիսյանը: Շնորհավորելով երեխաներին Գիտելիքի օրվա կապակցությամբ՝ Նաթան սրբազանը հորդորեց նրանց շարունակել զինվել գիտելիքներով, որոնցով մեծապես կարող են նպաստել մեր ազգի և պետության ամրապնդմանն ու զորացմանը:
«Կենգուրու» և «Մեղու» մրցույթների մրցանակակիրների համար կազմակերպվեց նաև էքսկուրսիա Մայր Աթոռ Սբ Էջմիածնի թանգարանով։
Էջմիածին այցելությունից անմիջապես հետո երեխաներին հյուրընկալեց ՀՀ նախագահը։
Արդեն ավանդական դարձած հանդիպման ժամանակ նախագահը շնորհավորեց հանդիպման մասնակիցներին և շնորհակալություն հայտնեց խրախուսանքի արժանի հաղթանակների համար, որոնցով, ըստ նախագահի, կարելի է անչափ հպարտանալ:
Նախագահը պատասխանեց երեխաների հարցերին, ինչից հետո աշակերտները երկրի ղեկավարից ստացան իրենց հավաստագրերը:
Հայաստանում և Արցախում «Կենգուրու» և «Մեղու» մրցույթների բացառիկ կազմակերպիչն է «Այբ» կրթական հիմնադրամը:
Մրցույթներն անցկացվում են Հայաստանում ՀՀ կրթության և գիտության, Արցախում` ԼՂՀ կրթության, գիտության և սպորտի նախարարությունների հովանու ներքո:
Հայաստանում մրցույթների կազմակերպման գործընկերն է «ՎՏԲ-Հայաստան բանկ» ՓԲԸ-ն։


ՀՀ և Արցախի 1001 դպրոցների 42000 աշակերտներ մասնակցեցին «Մեղու. հայերենը բոլորի համար» մրցույթին

ՀՀ և Արցախի 1001 դպրոցների 42000 աշակերտներ մասնակցեցին «Մեղու. հայերենը բոլորի համար» մրցույթին

20.11.15

Նոյեմբերի 5-ին ՀՀ և Արցախի 1001 դպրոցների 42000 աշակերտներ մասնակցեցին «Մեղու. հայերենը բոլորի համար» մրցույթին։ Այս տարի մրցույթն անցկացվեց արդեն երկրորդ անգամ։ Հայերենի մրցույթի նպատակն է համընդհանուր հետաքրքրություն առաջացնել հայոց լեզու առարկայի հանդեպ, այն առավել գրավիչ ու սիրելի դարձնել երեխաների համար, նորովի մատուցել հայոց լեզուն՝ ցույց տալով նրա ողջ հմայքն ու գեղեցկությունը, և զարգացնել երեխաների լեզվամտածողական ու լեզվագիտական ունակությունները:
«Մեղու 2015»-ի առաջադրանքներն ու ճիշտ պատասխանները կհրապարակվեն www.meghu.am կայքում նոյեմբերի 20-ին:
Յուրաքանչյուր մասնակից դպրոց 2016 թ. հունվարին կստանա ամփոփ հաշվետվություն իր աշակերտների արդյունքների մասին, իսկ փետրվարին նախատեսվում են մրցանակաբաշխություններ Հայաստանի բոլոր մարզերում և Ստեփանակերտում:


«Մեղու. հայերենը բոլորի համար» մրցույթի պաշտոնական կազմակերպիչն է «Այբ» կրթական հիմնադրամը:
 
Հայաստանում մրցույթի կազմակերպման գործընկերն է «ՎՏԲ-Հայաստան բանկ» ՓԲԸ-ն:
 
Ինֆորմացիոն հովանավորներ՝ «Մեդիամաքս» լրատվական գործակալություն և «Կրթություն» շաբաթաթերթ:


«Մեղու. հայերենը բոլորի համար» մրցույթը մեկնարկել է

«Մեղու. հայերենը բոլորի համար» մրցույթը մեկնարկել է

17.09.15

Մեկնարկել է «Մեղու. հայերենը բոլորի համար» մրցույթը, որն անցկացվում է  Հայաստանի և Արցախի բոլոր դպրոցներում: Մրցույթին կարող են մասնակցել 3-12-րդ դասարանների բոլոր ցանկացող աշակերտները:

 

Այս տարի մրցույթը տեղի կունենա նոյեմբերի 5-ին:

 

Մրցութային փաթեթ-հրավերներն արդեն ուղարկվել են Հայաստանի և Արցախի 1250 դպրոցներին: Փաթեթներն ընդգրկում են դպրոցի մասնակցության հայտը, անցկացման մանրամասն կարգը և այլ անհրաժեշտ նյութեր:

 

Աշակերտների մասնակցության վճարը կատարելու և դպրոցի ցանկում գրանցվելու վերջնաժամկետը սեպտեմբերի 30-ն է, իսկ դպրոցի հայտի ներկայացման վերջնաժամկետը՝ հոկտեմբերի 5-ը:

 

Մանրամասների համար կարող եք այցելել «Մեղու»-ի կայքը:

 

«Մեղու. հայերենը բոլորի համար» մրցույթի պաշտոնական կազմակերպիչն է «Այբ» կրթական հիմնադրամը:

 

Հայաստանում մրցույթի կազմակերպման գործընկերն է «ՎՏԲ-Հայաստան բանկ» ՓԲԸ-ն:

 

Ինֆորմացիոն հովանավորներ՝ «Մեդիամաքս» լրատվական գործակալություն և «Կրթություն» շաբաթաթերթ:


ՀՀ նախագահը հյուրընկալեց «Կենգուրու» և «Մեղու» մրցույթների մրցանակակիրներին

ՀՀ նախագահը հյուրընկալեց «Կենգուրու» և «Մեղու» մրցույթների մրցանակակիրներին

09.09.15

ՀՀ նախագահ Սերժ Սարգսյանն օգոստոսի 27-ին հյուրընկալեց «Կենգուրու» միջազգային մաթեմատիկական մրցույթի և «Մեղու. հայերենը բոլորի համար» մրցույթի մրցանակակիրներին՝ հաղթողներին և յուրաքանչյուր մարզում ու տարիքային խմբում լավագույն արդյունք արձանագրած աշակերտներին:

Արդեն ավանդական դարձած հանդիպման ժամանակ աշակերտները երկրի ղեկավարից ստացան իրենց պարգևները: Նախագահը շնորհավորեց հանդիպման մասնակիցներին և շնորհակալություն հայտնեց խրախուսանքի արժանի հաղթանակների համար, որոնցով, ըստ նախագահի, կարելի է անչափ հպարտանալ:

Հանդիպմանը նախագահը պարգևատրեց նաև հանրապետության հանրակրթական ուսումնական հաստատությունների մեդալակիր շրջանավարտներին, այդ թվում նաև «Այբ» դպրոցի 6 աշակերտների՝ Թալին Սաղդասարյանին, Արման Տիգրանյանին, Մարգո Սարգսյանին, Շուշանիկ Ավագյանին, Ելենա Ղուկասյանին և Հասմիկ Ավագյանին: Հասմիկ Ավագյանը ստացավ նաև կենսաբանության միջազգային օլիմպիադային վաստակած արծաթե մեդալը:

Պարգևատրումից հետո «Կենգուրու» և «Մեղու» մրցույթների հաղթողներն այցելեցին Հովհ. Թումանյանի թանգարան:

Հանդիպման նկարները կարող եք դիտել այստեղ:

Հանդիպումից մանրամասներ կարող եք կարդալ այստեղ. տեսանյութը հասանելի է այս հղումներով՝

Հանրային հեռուստաընկերություն
«Արմենիա» հեռուստաընկերություն
«Արարատ» հեռուստաալիք

Հայաստանում և Արցախում «Կենգուրու» և «Մեղու» մրցույթների բացառիկ կազմակերպիչն է «Այբ» կրթական հիմնադրամը:

Մրցույթներն անցկացվում են Հայաստանում ՀՀ կրթության և գիտության, Արցախում` ԼՂՀ կրթության և գիտության նախարարությունների հովանու ներքո:

Հայաստանում մրցույթների կազմակերպման գործընկերն է «ՎՏԲ-Հայաստան բանկ» ՓԲԸ-ն, ինֆորմացիոն հովանավորներն են «Մեդիամաքս» լրատվական գործակալությունը և «Կրթություն» շաբաթաթերթը:


«Ռուսական արջուկ 2014» և «Մեղու 2014» մրցույթների մրցանակաբաշխություններ «Այբ» դպրոցում

«Ռուսական արջուկ 2014» և «Մեղու 2014» մրցույթների մրցանակաբաշխություններ «Այբ» դպրոցում

04.03.15

Փետրվարի 16-ին «Այբ» դպրոցում տեղի ունեցան «Այբ» կրթական հիմնադրամի կողմից կազմակերպվող «Ռուսական արջուկ» և «Մեղու» մրցույթների մրցանակաբաշխության արարողությունները։

«Այբ» դպրոցից այս տարի «Ռուսական արջուկ 2014»-ին մասնակցել է 67 աշակերտ, իսկ «Մեղու 2014»-ին՝ 118։

Ուրախությամբ տեղեկացնում ենք, որ, «Ռուսական արջուկ 2014» մրցույթի արդյունքների համաձայն, մեր աշակերտներից 3-ն արժանացել է «լավագույն» մրցանակի («Ռուսական արջուկ 2014»-ն ունի 409 մրցանակակիր, որոնցից 146-ն արձանագրել է լավագույն արդյունք): «Մեղու 2014» մրցույթում լավագույն արդյունք գրանցել է մեր աշակերտներից 9-ը:

Հիշեցնենք, որ այս տարի Հայաստանում և Արցախում առաջին անգամ անցկացվեց հայերենի մրցույթը, որն ունեցավ 3 հաղթող, իսկ լավագույն արդյունք ցուցաբերեց 709 աշակերտ։

Շնորհավորում ենք մեր աշակերտներին և մաղթում ուսումնական նորանոր հաջողություններ։


«Ռուսական արջուկ 2014» և «Մեղու 2014» մրցույթների արդյունքներն ամփոփված են

«Ռուսական արջուկ 2014» և «Մեղու 2014» մրցույթների արդյունքներն ամփոփված են

10.02.15

2014 թ.-ի նոյեմբերի 13-ին Հայաստանում հինգերորդ, իսկ Արցախում չորրորդ անգամ պաշտոնապես անցկացվեց «Ռուսական արջուկ. լեզվաբանություն բոլորի համար» միջազգային մրցույթը՝ «Այբ» կրթական հիմնադրամի ջանքերով։ Մրցույթին մասնակցեց Հայաստանի և Արցախի 302 դպրոցների 2-12-րդ դասարանների 8010 աշակերտ:

Մրցույթի արդյունքներն ամփոփված են. «Ռուսական արջուկն» ունի 409 մրցանակակիր, որոնցից 146-ն արձանագրել են լավագույն արդյունք: «Ռուսական արջուկ 2014»-ի մրցանակակիրների ցանկը կարելի է տեսնել www.foundation.ayb.am կայքի «Նախագծեր» բաժնի «Ռուսական արջուկ» հատվածում:

2014 թ. հոկտեմբերի 30-ին «Այբ» կրթական հիմնադրամի նախաձեռնությամբ Հայաստանում և Արցախում առաջին անգամ անցկացվեց երկար սպասված հայերենի մրցույթը, որը կոչվում է «Մեղու. հայերենը բոլորի համար»: Մրցույթին մասնակցեց Հայաստանի և Արցախի 961 դպրոցների 3-12 դասարանների 44411 աշակերտ։ Մրցույթի արդյունքներով հաղթող է ճանաչվել 3 աշակերտ`

Լևոն Սահակյան (12-րդ դաս., Երևանի թիվ 109 ավագ դպրոց),
Աննա Գասպարյան (6-րդ դաս., Գեղարքունիքի մարզ, Կարմիրգյուղի թիվ 1 միջնակարգ դպրոց),
Նինա Պռազյան (4-րդ դաս., Կոտայքի մարզ, Նոր Հաճնի թիվ 1 հիմնական դպրոց)։

3 հաղթողներից բացի, մրցույթում լավագույն արդյունք է ցուցաբերել 709 աշակերտ։ «Այբ» հիմնադրամի կողմից հատուկ խրախուսական մրցանակներ են շնորհվելու ևս 680 աշակերտի բոլոր այն դպրոցներում, որտեղ չկան հաղթող կամ պատվոգրակիր երեխաներ: Այսպիսով՝ ընդհանուր թվով 1392 աշակերտ այս տարի կարժանանա «Մեղուի» մրցանակներին:

«Մեղու 2014»-ի մրցանակակիրների ցանկը տեղադրված է մրցույթի պաշտոնական կայքում՝ www.meghu.am.

Այս տարի առաջին անգամ «Ռուսական արջուկ 2014»-ի և «Մեղու 2014»-ի մրցանակաբաշխությունները տեղի կունենան միաժամանակ։

Փետրվարի 11-ից 18-ը «Այբ» կրթական հիմնադրամի ներկայացուցիչները կայցելեն Հայաստանի տարբեր քաղաքներ և Ստեփանակերտ, մասնակից դպրոցներին կհանձնեն դպրոցի և մասնակից աշակերտների հավաստագրերը, մրցանակակիր երեխաներին` մրցանակները, իսկ լավագույններին` նաև պատվոգրերը: Մրցանակաբաշխությունների ժամանակացույցը կարող եք ներբեռնել www.meghu.am կայքից և www.foundation.ayb.am կայքի «Նախագծեր» բաժնի «Ռուսական արջուկ» հատվածից:

«Ռուսական արջուկ» և «Մեղու» մրցույթների բացառիկ կազմակերպիչ` «Այբ» կրթական հիմնադրամ:

Հայաստանում մրցույթների կազմակերպման գործընկեր` «ՎՏԲ-Հայաստան բանկ» ՓԲԸ:

Ինֆորմացիոն հովանավորներ` «Մեդիամաքս» լրատվական գործակալություն և «Կրթություն» շաբաթաթերթ:


Այսօր «Մեղու. հայերենը բոլորի համար» մրցույթի օրն է

Այսօր «Մեղու. հայերենը բոլորի համար» մրցույթի օրն է

30.10.14

Այսօր առաջին անգամ Հայաստանի և Արցախի դպրոցներում կանցկացվի «Մեղու. հայերենը բոլորի համար» մրցույթը։ Այս տարի մրցույթին մասնակցելու համար գրանցվել է Հայաստանի և Արցախի 962 դպրոցի ավելի քան 44 700 աշակերտ։


«Մեղու 2016»-ի ճիշտ պատասխանները մեր կայքում` նոյեմբերի 10-ից

«Մեղու 2016»-ի ճիշտ պատասխանները մեր կայքում` նոյեմբերի 10-ից

28.10.16

«Մեղու 2016» մրցույթի առաջադրանքներն ու ճիշտ պատասխանները կտեղադրվեն մեր կայքում նոյեմբերի 10-ից:


«Մեղու 2015»-ի ճիշտ պատասխանները մեր կայքում` նոյեմբերի 30-ից

«Մեղու 2015»-ի ճիշտ պատասխանները մեր կայքում` նոյեմբերի 30-ից

10.10.15

«Մեղու 2015» մրցույթի առաջադրանքներն ու ճիշտ պատասխանները հասանելի են կայքի առաջադրանքներ բաժնում:


«Մեղու 2014»-ի ճիշտ պատասխանները մեր կայքում` նոյեմբերի 14-ից

«Մեղու 2014»-ի ճիշտ պատասխանները մեր կայքում` նոյեմբերի 14-ից

30.10.14

«Մեղու 2014» մրցույթի առաջադրանքներն ու ճիշտ պատասխանները կտեղադրվեն մեր կայքում նոյեմբերի 14-ից: