Ինչպես մասնակցել

Հարգելի ծնողներ և աշակերտներ, «Մեղու 2019»-ին մասնակցելու համար նախևառաջ ճշտեք` արդյոք ձեր դպրոցը մասնակցո՞ւմ է «Մեղու»-ին, թե ոչ: Եթե մասնակցում է, ապա վերցրեք դպրոցի նշանակած պատասխանատուից վճարման վավերապայմանների թերթիկը, կատարեք մասնակցության վճարը, որ կազմում է 970 ՀՀ դրամ, Հայաստանում` «ՎՏԲ-Հայաստան բանկ»-ի, Արցախում` «Արցախբանկի» ցանկացած մասնաճյուղում: Հայաստանի և Արցախի մասնակից աշակերտները կարող են վճարել նաև «Թել-Սել» և «Իզի Փեյ» տերմինալների միջոցով: «Թել-Սել»-ով և «Իզի Փեյ»-ով վճարման դեպքում նախապես ճշտեք ձեր դպրոցի ծածկագիրը: Ներկայացրեք վճարման անդորրագիրը դպրոցում մրցույթի պատասխանատուին և գրանցվեք դպրոցի ցուցակում մինչև նշված վերջնաժամկետը:

 

Դպրոցների ծածկագրերի ցուցակը, «Թել-Սել» և «Իզի Փեյ» տերմինալներով վճարելու կարգը ներբեռնել այստեղ:

 

«Մեղու 2019»-ը տեղի կունենա հոկտեմբերի 24-ին: Մրցույթին մասնակցելու համար երեխաների վճարման անդորրագիրը դպրոց ներկայացնելու և դպրոցի ցանկերում գրանցվելու վերջնաժամկետն է հոկտեմբերի 1-ը:

 

«Մեղու 2019»-ը մեկնարկել է 2019 թ.-ի սեպտեմբերի սկզբից: Հայաստանի և Արցախի դպրոցները կստանան հրավեր-փաթեթներ` մրցույթին մասնակցելու հետ կապված բոլոր անհրաժեշտ նյութերով:

 

«Մեղու» մրցույթն անցկացվում է անմիջապես դպրոցում: Մրցույթը կազմակերպվում է ամեն տարի, լինելու է շարունակական, և բոլոր այն դպրոցներն ու աշակերտները, որ տարբեր պատճառներով չեն մասնակցել «Մեղու 2018»-ին, հետագա տարիներին հնարավորություն ունեն միանալու հայերենի այս ամենազանգվածային մրցույթին:

 

Հավելյալ տեղեկություններ ստանալու, հարցեր և/կամ առաջարկություններ ունենալու դեպքում գրեք մեզ meghu@@@ayb.am էլհասցեով (ուղարկելիս @@@-ի փոխարեն գրեք միայն մեկ @) կամ զանգահարեք «Այբ» կրթական հիմնադրամ` 54 37 07, (093) 01-08-61, (093) 01-08-63 հեռախոսահամարներով: